Digitale Edition Grazer Nuntiaturberichte (1580-[1602]) 1602-02-15 298.1. Clemens VIII. an Portia - Rom, 1602 Februar 15 Papst, VIII., Klemens Kroissenbrunner Martin Transkription und TEI-Kodierung Schopper Daniel Beratung Kurz Stephan Beratung Gottsmann Andreas
Historisches Institut beim Österreichischen Kulturforum in Rom Viale Bruno Buozzi 111-113 Rom 00197 Italien
Austrian Centre for Digital Humanities and Cultural Heritage Vienna 2024

Sie dürfen: Teilen – das Material in jedwedem Format oder Medium vervielfältigen und weiterverbreiten Bearbeiten – das Material remixen, verändern und darauf aufbauen und zwar für beliebige Zwecke, sogar kommerziell.

Der Lizenzgeber kann diese Freiheiten nicht widerrufen solange Sie sich an die Lizenzbedingungen halten. Unter folgenden Bedingungen:

Namensnennung – Sie müssen angemessene Urheber- und Rechteangaben machen, einen Link zur Lizenz beifügen und angeben, ob Änderungen vorgenommen wurden. Diese Angaben dürfen in jeder angemessenen Art und Weise gemacht werden, allerdings nicht so, dass der Eindruck entsteht, der Lizenzgeber unterstütze gerade Sie oder Ihre Nutzung besonders. Keine weiteren Einschränkungen – Sie dürfen keine zusätzlichen Klauseln oder technische Verfahren einsetzen, die anderen rechtlich irgendetwas untersagen, was die Lizenz erlaubt.

Hinweise:

Sie müssen sich nicht an diese Lizenz halten hinsichtlich solcher Teile des Materials, die gemeinfrei sind, oder soweit Ihre Nutzungshandlungen durch Ausnahmen und Schranken des Urheberrechts gedeckt sind. Es werden keine Garantien gegeben und auch keine Gewähr geleistet. Die Lizenz verschafft Ihnen möglicherweise nicht alle Erlaubnisse, die Sie für die jeweilige Nutzung brauchen. Es können beispielsweise andere Rechte wie Persönlichkeits- und Datenschutzrechte zu beachten sein, die Ihre Nutzung des Materials entsprechend beschränken.

Machine-Readable Transcriptions of the Correspondence of the Nuncio in Graz (1580-[1602])

 Zingerle Elisabeth Grazer Nuntiatur Nuntiatur des Girolamo Portia; 1599-1602 978-3-7001-7146-1 Wien 2012 Österreichische Akademie der Wissenschaften Historisches Institut beim Österreichischen Kulturforum in Rom Bösel Richard Fillitz Hermann Unterstützung bei Herausgabe Historische Landeskommission für Steiermark 5. Band 974 Seiten Publikationen des Historischen Instituts beim Österreichischen Kulturforum in Rom Nuntiaturberichte ASV, Secr. Brev., Reg. 318, fol. 245r–246v und 250r–251r, Min. Beilage: fol. 248[b]r, undatiertes Memorial von Wolf Albrecht von Würtzburg. Papst, VIII., Klemens Rome Portia, Girolamo Papst, VIII., Klemens - Portia, Girolamo 297.1. Portia an Aldobrandini - Graz, 1602 Februar 11 299.1. Portia an Aldobrandini - Graz, 1602 Februar 18 217.1. Clemens VIII. an Portia - Rom, 1601 April 28 309.1. Portia an Clemens VIII. - (o.D.)

Johann Veit von Würtzburg war bereits für die ungeachtet des Weihegrades eines Subdiakons geschlossene Ehe unter bestimmten Auflagen eine Absolution erteilt worden. Da er aber nach dem Tod seiner Frau erneut eine Ehe eingegangen ist, muss er erneut dispensiert werden, wozu Portia unter entsprechenden Bedingungen ermächtigt wird.

 Clemens VIII. an Portia - Rom, 1602 Februar 15

Sedes Apostolica pia Mater recurrentibus ad eam post excessum cum humilitate filiis libenter se propitiam exhibet et benignam. Sane pro parte dilecti filii Joannis Viti a VirtzburgVgl. Nr. 49.1.Clerici in Subdiaconatus ordine constituti Herbipolensis seu Bambergensis Diocesis alias nobis exposito, ipsum Joannem Vitum qui, ut asserebat, ex primaria nobilitate Franconie ortus existit, ante multos Annos dum in sacro Subdiaconatus ordine constitutus erat, Matrimonium de facto tenere, contraxisse et plures liberos suscepisse, et in eadem expositione subiuncto, ipsum Joannem Vitum fere omnino litterarum ignarum ac natum existere et degere in loco, ubi nulla vel exigua extat sacrorum canonum notitia et ubi homines ex eximia vivendi licentia arbitrantur fere omnia sibi licere, ipsum tum alioquin de Catholica Religione, ut etiam fide dignorum testimonio accepimus, benemeritum esse, ac de praemissis ab intimis doluisse et tunc dolere, ac pro suae Conscientiae et status securitate plurimum cupere opportunam sibi absolutionem per Nos benigne concedi ac nobis propterea illius nomine humiliter supplicato ut sibi in praemissis opportune providere de benignitate Apostolica dignaremur. Nos huiusmodi supp[licationi]bus tunc inclinati, per alias nostras in simili forma Brevis litteras Venerabili fratri Episcopo Herbipolensi dedimus in mandatis Breve vom 7. November 1600, ASV, Secr. Brev., Reg. 301, fol. 69r–70v., ut si et postquam ipse Joannes Vitus Coram ipso aperte declaravisset, credere minime sibi licuisse, salva Catholica Religione Matrimonium contrahere, cum in sacro subdiaconatus ordine esset constitutus, atque ideo commissam culpam maximam detestatus fuisset, ac iniuncto illi, ut dum viveret, singulis diebus Coronam seu tertiam partem Rosarii Beatae Marie Virginis recitare deberet loco horarum canonicarum, quas ex obligatione ordinis subdiaconatus de iure quotidie recitare tenebatur, necnon iniuncto etiam eidem loco penitentiae salutaris, ut duos adolescentes studiosos apud Religiosos Societatis Jesu in Collegio Herbipolensi constituere ac suis sumptibus alere teneretur, donec illi studia sua ibidem iuxta aliorum morem prorsum absolvissent, praedictum Joannem Vitum ab excommunicationis aliisque censuris et penis Ecclesiasticis, propter praemissa per eum iterato incursis, auctoritate nostra Apostolica in utroque foro gratiose absolveret et cum in eodem Joanne Vito, ut Matrimonium cum eadem mulierem, quam duxerat, quatenus sibi alio jure prohibita non esset, de novo servata forma Concilii Tridentini contrahere et in faciem Ecclesiae solemnizare ac in eo postmodum remanere libere et licito valeret, eadem auctoritate dispensaret prolemque susceptam et suscipiendam exinde legitimam decerneret, prout in litteris praedictis plenius continetur. Cum autem, sicut nobis nuper eiusdem Joannis Viti nomine nobis de novo expositum fuit, antequam dictus Episcopus Herbipolensis litteras nostras praedictas executioni demandasset, et cum praedicto Joanne Vito super praemissis dispensasset, Mulier quam ipse Joannes Vitus antea de facto in uxorem duxerat, vita functa fuerit ac non multo post ipse Joannes Vitus morae impatiens et carnis fragilitate ductus non expectata dicti Episcopi Herbipolensis resolutione cum alia Muliere Matrimonium iterum de facto contraxerit, carnali forsan copula subsecuta. Cumque culpam suam agnoscens ac de illa plurimum dolens, pro sui status et conscientiae securitate et ad evitanda graviora scandala, quae inde suboriri possint, cupiat sibi de opportunae absolutionis beneficio ac dispensationis gratia per nos de benignitate Apostolica provideri idque a nobis humili iterum supplicatione petierit. Nos more pii Patris, qui non vult mortem peccatoris, sed magis ut convertatur et vivat, cum praedicto Joanne Vito clementer agere volentes ac praedictarum litterarum tenorem praesentibus pro expresso habentes, ipsumque Joannem Vitum a quibusvis excommunicationis etc. praeterquam praemissorum occasione vel causa etc. censentes, huiusmodi posterioribus supplicationibus inclinati, Fraternitati tuae per praesentes committimus et mandamus, ut si dictus Joannes Vitus culpam suam coram te recognoscens et detestans humiliter veniam petierit atque in primis a praedicta Muliere statim separatus arbitrio tuo permanserit, tum, quia ipse Joannes Vitus Matrimonium bis de facto contrahendo causam dedit suspicandi ipsum non bene sentire de celibatu clericorum, coram te de vehementi in forma solita abiuraverit, ac aperte declaraverit credere sibi minime licuisse salva Catholica Religione Matrimonium contrahere, cum in sacro subdiaconatus ordine esset constitutus, ipso prius ab executione ordinis subdiaconatus perpetuo suspenso, ita tum, si huic secundae Mulieri supervixerit, absque spe coniugii et eidem ordini abligatus, inhabilis vero ad alios ordines suscipiendos perpetue remaneat ac iniuncto illi, ut dum vixerit, singulis diebus Coronam, seu tertiam partem Rosarii B. Mariae Virginis, recitare debeat loco horarum Canonicarum, quas ex obligatione ordinis subdiaconatus de jure quotidie recitare teneretur, quam obligationem divini offitii recitandi in Coronam, seu tertiam partem Rosarii huiusmodi auctoritate apostolica gratiose commutes, necnon iniuncto etiam eidem, loco paenitentiae salutaris, ut duos adolescentes studiosos apud Religiosos Societatis Jesu in Collegio Herbipolensi constituere ac suis sumptibus alere teneatur, donec illi studia sua ibidem iuxta aliorum modum prorsus absolverint; praedictum Joannem Vitum ab excomunicationis aliisque censuris et poenis ecclesiasticis propter praemissa ab eo iterato incursis, auctoritate nostra Apostolica in utroque foro gratiose absolvas, et cum eodem Joanne Vito, ut Matrimonium cum praedicta secunda Muliere quam duxit, quatenus alio jure sibi prohibita non sit, de novo servata forma Concilii Tridentini contrahere et in facie Ecclesiae solemnizare ac in eo postmodum remanere libere et licite valeat, eadem auctoritate dispenses prolemque tam ex priore Muliere defuncta, quam ex secunda Muliere susceptam, si qua sit, et suscipiendam exinde legitimam decernas. Non obstante subdiaconatus ordine praedicto, necnon quibusvis Apostolicis, ac in Provincialibus et Synodalibus Conciliis editis generalibus, vel specialibus constitutionibus, et ordinationibus, ac quibuscumque statutis, et consuetudinibus, etiam Juramento, confirmatione Apostolica vel quavis firmitate alia roboratis, coeterisque contrariis quibuscumque.