Brieftext

Acceptis V. Dil.is secunda die huius ad nos exaratas, gratum fuit cognoscere ea qua voluntate S. S.tis de episcopo Tergestino filii nostri archiducis Ferdinandi junioris preceptore ipsa nobis perscripsit.¹Fueramus iam antea sane in eadem plane cogitatione, quemadmodum et adhuc sumus, ut idem episcopus peractis comitiis Romanam hanc profectionem prima data occasione susciperet, etsi quam cito id fieri debeatur aut possit necdum certo statui queat. Expectamus tamen eundem episcopum ex visitatione sui episcopatus hac transeuntem, cum quo de omnibus copiosius agemus, et ipse postea cum comite de Portia Apostolico Nuncio conveniet. Interea fatemur pro tam sancta piaque concessione magnam nos gratiam nostrasque praeces pro diuturna salute, S. S.tis debere et V. Dil.is erga nos studium et observantiam grato animo recognoscere . . .