Briefnr. 45

Graz, 1580 Dezember 6

Band 1

Regest

Malaspina zugestelltes Dekret Erzherzog Karls betreffend die dem Kapitel von Aquileia verliehenen Immunitäten.

Archiv

Arch. Vat. Nunz. Germ. 100, f. 221r—222r, Orig.

Sermus dominus archidux Carolus Austriae etc. dominus noster gratiosissimus intellecta ac mature deliberata petitione S. Serti’ per revmum nuncium apostolicum dominum Germanicum marchionem de Malaspina nuper scripta exhibita,1qua immunitas impositionum, quas a venerabili capitulo Aquileiensi deputati convocationis Goriciensis exigunt, praetenditur, eidem revmo in haec verba gratiose respondendum duxit. 2Assertam nimirum petitionem non novam sed iam dudum ante biennium per praefatum capitulum Aquileiense coram ipso Summo Pontifice propositam 3atque hinc inde scriptis et solidis informationibus nec non congruis responsionibus, uti ex copia hic sub 137lettera A B apparet, 4ita trutinatam ac elucidatam, ut S. Sertas omnino speravit negocium hoc penitus sopitum ipsique capitulo perpetuum silentium circa hoc impositum esse. Eo praesertim perpenso, quod etiam personae ecclesiasticae (ab ordinariis impositionibus alioquin exemptae) ab huius modi contributionibus ob instantem necessitatem ad deffendenda confinia contra irruptionem Turcarum erogandis, omni iure et canonico et civili teneantur.

Verumtamen cum S. Serti praeter spem secus evenerit nec huius rei finis esse velit, placuit eidem non obstantibus praedictis et reliquis omnibus alias contra ipsos canonicos eorumque machinationem ad longum deductis in solam gratiam S. Stis etiam cum detrimento S. Sertis in talem condescendere sententiam. Ut nimirum de caetero asserti canonici solum ad ordinariarum, steurarum exsolutionem, eatenus uti caeteri teneantur, quatenus eorum bona in comitatu nostro Goriciensi sub nostra iurisdictione existentia pro rata communis oblationis atque impositionis tangit. Ita ut de reliquis eorum bonis sub dominio Veneto vel territorio Aquileiensi situatis nihil quicquam ipsi communitati Goriciensi contribuere cogantur, quinimo impositionis hebdomadalis (uti vocant) omnino immunes sint. Quae sane S. Sertis deliberatio cum juribus suis et inveteratae consuetudini ipsius comitatus Goriciensis non parum deroget canonicisque multum tribuat, procul dubio S. Sti non nisi grata ipsis vero canonicis gratissima esse debebit. Placeat modo revmo nuncio S. Sti hanc Sertis S. perbenignam resolutionem perscribere5eidemque disertis verbis insinuare, S. Sertcm ad quis vota S. Stis esse promptissimam eidemque nihil non debere, sed praetensam exemptionem, maxime si eidem totaliter locus foret, per se esse talem, ut non solum S. Serti et suis provinciis verum etiam toti reipublicae Christianae praeter modum praeiudicalis ac damnosa sit. Atque his tandem eandem S. Sertem revmo nuncio singularis benevolentiae affectum offerendo.

Wolfgang Schrannz m. p. P. Wanzl m. p.

Fußnoten

  • 1 Vgl. Nr. 19, S. 72. 
  • 2 Vgl. Nr. 23 und 41. 
  • 3 Vgl. Nr. 1. 
  • 4 A: Extractus ex conventione inter Venetos et patriarcham Aquileiensem cardinalem Ludovicum de Tek germanum, quod comiti Goritiensi de mandato imperatoris fidelitatem juravit et regalia patriarchatus ab eo recepit. Facta anno Domini 1445 (Arch. Vat. Nunz. Germ. 100, f. 225rv und 228v). B: Sententia Tridentina (Ebenda f. 219r und 224v). 
  • 5 Siehe Nr. 55.