Brieftext

Conditiones observandae in assumptione Eucharistiae sub utraque spetie :

Pontifex non sponte aut libenter sed ut piissimus pater, qui etiam invitus interdum aegrotantium filiorum voluntati obsequitur, quasi coactus permisit laicis sub utraque spetie communicandi facultatem,³propterea quod S. S’’ a principibus harum regionum huic rei ₂₉₆remedium postulantibus relatum fuerit plerosque ex reliquiis catholicorum, cum non esset huic eorum desiderio satisfactum, se cum haereticis coniunxisse. ⁴

Primo igitur curare debent episcopi, quibus concessio facta est, ut omnino S. Stis forma brevis servetur, eiusque executio serio, sed tamen suaviter exigatur, alioquin ne nec absolutiones a talibus factae valerent, nec calicis usus cum absque facultate fierent, nam utrunque a sacerdotibus ab episcopo iuxta brevis formam electis aut per ipsum subdelegatis fieri debet.

Ut eligant catholicos sacerdotes, qui in sua provintia utranque spetiem decenti ordine servato ac omni offensione vitata, quae posset oriri inter communicantes sub utraque et sub una tantum spetie, ministrare possint illam ex devotionis fervore petentibus, qui cum ecclesia Romana coniunctionem habeant.

Ut curati in confessionibus et concionibus eos, qui utranque postulant, ad accipiendam unam tantum spetiem ut tutiorem acceptionem sanctaeque matri ecclesiae approbationem cohortentur eas rationes in medium afferrentes, quas hisce adiunctae erunt, verum si qui in sua sententia persistant, eos sequentibus conditionibus curent informandos.

Ut ecclesiae Romanae fidem et doctrinam sequantur ac profiteantur.

Ut credant in sanctissimo Eucharistiae sacramento tam sub una quam sub utraque spetie verum ac integrum Christi corpus esse.

Illos si forte accideret, ut ab ecclesia iterum prohiberetur, sub una tantum spetie communicaturos.

Ecclesiam Romanam nec errasse nec errare, quae exceptis solum sacerdotibus caeteros tam clericos quam laicos sub una spetie communicantes.

₂₉₇

Ut contriti et confessi munere sacramentalis absolutionis accepto ad ipsam sub utraque sumendam accedant.

Qui fuerint haeresi contaminati absolvantur et hisce conditionibus admittantur ad Eucharistiam.

Non posse eos extra missae sacrificium communicare, qui sub utraque communicant; abscindant capillos superioris labri et alios omnes, qui possent aliquam sacramento irreverentiam offerre.

Mandandum est autem sacerdotibus, ne iis omnino, qui sub una adhuc communicarunt, utranque concedant.

Ut omnes abusus in calicis administratione tollantur, quamvis eo in genere maxima insit difficultas ob multorum sacerdotum incuriam ac negligentiam, ideo in hanc curam episcopis erit diligentius incumbendum.

Periculosum est reservare sanguinem ob multos enormes casus et summam irreverentiam, quae sacramento irrogatur. Quare omnino curandum esset, ut nullo modo servaretur, sed quando essent, qui sub utraque peterent, tunc celebrans consecraret quantum pro se sacrificante et pro communicante sufficeret, sicque tolleretur omnis difficultas.

Si autem agatur de infirmis, inducendi essent ad unam spetiem in tali casu afferrendo causas iustas, videlicet pericula itinerum, cum ad pagos vel ad loca remota esset deferendum sacramentum, nec putarem difficulter id posse persuaderi, cum alioqui teneantur credere tantum sub una esse quantum sub utraque.

Quod si omnino servandus esset sanguis ultra dies octo, quin renovaretur, nullo modo reservari deberet; facile ne ex qualitate vini speties corrumpitur ideoque magna sacramento irreverentia inutritur.⁵

Quibus rationibus adduci possent, ut qui sub utraque spetie communicant ad unam reducerentur :

Primo : Qui sua sponte communicat etiam ubi concessus est usus calicis et servatis conditionibus minorem capit fructum, quia qui sub una comunicat ex obedientia communicat, qui autem sub utraque ex permissione; melior autem obedientia quam victima 1 Reg. cap. 15, quo in genere a domino Rechabitae 35 cap. Hiereni laudati fuerunt,⁶quod servarent obedientiam patris ipsorum de non bibendo vino.

Secundo: Magis placet Deo si suos in sacramento unitatis con₂₉₈formemus filiis suis et amicis quam inimicis, qui autem sub utraque communicant magis se conformant haereticis.

Tertio: Qui sub una communicant, profitentur suam fidem tantum esse sub una quantum sub utraque; qui autem sub utraque communicant et si credant non tamen profitentur ita aperte aut erubescunt profiteri suam fidem.

Quarto: Ritus communicandi sub utraque spetie hoc tempore introductus est ab haereticis, qui contra ecclesiae obedientiam id faciunt, quare periculosus ; omnia enim eorum inventa merito a fidelibus sunt fugienda, maxime si habeant maiorem spetiem boni; vide Luc. c. 4 et Act. c. 16.⁷

Quinto : Periculosum est sequi morem haereticorum, experientia enim nos docet, quod consuetudo facit nobis rem magis placere, hinc difficilius relinquitur, immo facilius aliquis in errorem labitur.

Sexto: Qui communicat sub utraque praefert suum ecclesiae iuditio, cum illa ex indulgentia calicem permittat, mallet autem filios suos sub una esse.

Septimo: Qui catholici sub una communicant, offenduntur aliorum communione, quia non profitentur aperte se catholicos, dum facto fidem adversariorum profiteri videntur, et si aliud mente credant et sentiant.

Octavo: Qui sub utraque communicant minus videntur amare ecclesiam, quia quos magis amamus eos libentius imitamur.

Nono: Communiter tales pravo aliquo iudicio laborant aut ne credunt communionem sub utraque utiliorem esse, quod est gravis error, aut ita faciunt, quia sibi ita placet, et sic ostendunt spiritum dissensionis et non pacis, vel etiam quia ab aliis nollent contemni vel illos non offendere et sic diligunt magis gloriam hominum quam gloriam Dei et magis cupiunt placere hominibus quam Deo.

Haec maxime in confessione vel privata conversione talibus persuaderi possent.

Quibus quidem conditionibus, quae superius proposui, si acquiescerent ac omni animi assentirentur fiducia petentibus maioris devotionis studio sub utraque spetie communionem, hanc illis licentiam negare non posse existimarem.