Brieftext

Dilecte. Religiosae vitae salutaria instituta, quae sancti patris spiritus sancti instinctu invenerunt, et Apostolica haec Sedes pro ea summa potestate, quae illi a Deo tributa est, comprobavit et nostra pastorali auctoritate libenter . . et catholicorum etiam principum praesidio muniri optamus quare cum iussu dilecti fili magistri generali fratrum eremitarum ordinis sancti Augustini proficiscatur in Germaniam dilectus idem filius frater Hippolytus Ravennas, theologus prudentia, et zelo Dei praestans, ut nobis zelatum est, ut vicarium generalem eiusdem ordinis in toto Germania gerat, placuit illum nostris literis commendare nobilitati tuae, quam sua sponte promptam et paratam esse scimus, piis omnibus studiis suffragavi, quaeque ad Dei gloriam diriguntur. Sed praeter boni operis fructum et pietatis mercedem, quam a . . retributore consequeris, nobis certe pergratum erit. Si eundem vicarium generalem eum opus fuerit, ita benigne ut solet nobilitas tua, suo favere ac patrocinio iuverit, ut ille munus suum et facilius et fructuosius divinae gratiae beneficio exerceat.