Brieftext

Summa Ser.tis V.rae in me humanitas et benignitas, nec non ratio meae in eadem obligationis et observantiae requireret, ut quantam ex horum Ser.morum Principum ad Ser.tem V.ram adventu animi voluptatem perceperim, eam si fieri posset explicarem, sed cum id verbis a me exprimi vix posse videam, illud non ommittam considerasse et me et aliquibus saepe ex sincero cordis affectu dixisse non posse alio modo magis consuli his duabus ser.mis familiis quam similibus et saepe renovatis benevolentiae officiis haec ad decus et dignitatem tuendam et augendam plurimum factura eademque ad pacem inter omnes et religionem in Germaniam conservandam singulariter profutura. Quae cum optime Ser.ti V.rae ex summa ipsius prudentia rerumque praeteritarum usu optime nota sint, ceteris omnibus omissis illud tantum addere cogitavi nihil posse magis iuxta S.mam Pont. Max. mentem et Germaniae benefitium curari aut perfici, quam si Ser.tes V.rae ita coniungantur, ut omnes ubique intelligant coniunctionem hanc ad christianae reipublicae maximum commodum ex Ser.tis V.rae pietate et prudentia provenisse. Quod sicuti ego, pro ut Ser.tas V.ra optime novit ex debito in Ser.tes V.ras omnes servitutis affectu semper cogitavi et saepe egi et rogavi, ita non possum ommittere, quin hoc etiam tempore vehementer Ser.tem V.ram orem, ut omnibus serenissimis filiis (erunt in omnes tales qui aderunt) hanc benevolentiam et animorum unanimem voluntatem ad posteritatem iisdem consiliis et argumentis confirmandam relinquat eosdemque maioribus semper benevolentiae et amoris vinculis obligandos existimare declararet. Quod ego Ser.tibus V.ris addictissimus ab omnipotenti Deo assidue suppliciter petere non deero et memoriam ab eodem Patre misericordiarum tanti beneficii in nos collati tuebor sempiternam.¹

₃₃₆

Ser.ti V.rae omnia felicia et prospera cum ser.ma coniuge et ser.mis filiis precor meque iisdem humiliter commendo …