Briefnr. 75.2

Clemens VIII. an Portia - Rom, 1599 September 18

Band 5

Regest

Breve zur Bestätigung des Wohnrechtes der Grazer Nuntien in einem Teil des ehemaligen Dominikanerklosters.

Archiv

ASV, Secr. Brev., Reg. 287, fol. 143r–v und 148r, Min.; ASV, Segr. Stato, Nunz. Germ.
114 E, fol. 322r–v, Kop.

Referenzen

  • Beilagen: Nr. 57.4
    fol. 145r–146r, Caligari an Azzolino, Görz, 1586 April 5.

Cum, sicut accepimus, dudum ex foelicis recordationis Gregorii Papae XIII concessione ac Sixti Papae V Praedecessorum nostrorum confirmatione1, pars olim Monasterii Ordinis Sancti Dominici oppidi Civitatis nuncupati Graecii in Stiria pro usu et habitatione Nuncii Apostolici ibi pro tempore residentis reservata et assignata fuerit, ut ex literis ad Venerabilem Fratrem Joannem Andream Episcopum Brittonoriensem 2tunc apud clarae memoriae Carolum archiducem Austriae dicti Ferdinandi Patrem Nuncium in scriptis apparere dicitur cumque pro tua et pro tempore existentis istic 202Nuncii habitatione necessaria sit praedicta Monasterii memorati pars, Nos commoditati tuae, ac tuorum in dicto Nuncii Apostolici munere successorum, quantum cum Domino possumus, prospicere cupientes, ac literarum ad dictum Joannem Andream Episcopum scriptarum praedictarum tenorem praesentibus pro expresso habentes Motu proprio et ex certa scientia ac mera deliberatione nostra dicti Monasterii partem videlicet cubicula superiora et inferiora cum porticu, et deambulatione superiori et inferiori, curia, cella vinaria, horreo, stabulo, culina, et coeteris pertinentiis et membris in praedictis Joannis Andreae Episcopi et tunc Nuncii literis descriptis 3, quae ipse Joannes Andreas tunc Nuncius et alii forsan Nuncii inhabitarunt, pro usu et habitatione Fraternitatis tuae ac pro tempore istic futuri Nostri et Apostolicae Sedis Nuncii, legatione eiusque durante, auctoritate apostolica tenore praesentium perpetuo confirmamus, et quatenus opus sit, de novo concedimus et assignamus Tibique dictae habitationis possessionem vigore praesentium propria auctoritate apprehendendi et in illa iam forsan apprehensa continuandi facultatem et auctoritatem impartimur. Mandantes propterea in virtute sanctae obedientiae et sub indignationis nostrae aliisque per te infligendis et declarandis poenis Provinciali ac aliis superioribus et personis dicti Ordinis coeterisque, ad quos pertinet, ut tibi pro te ac tuis in munere Nuncii successoribus habitationem praedictam liberam, vacuam et expeditam dimittant et relinquant nec te aut successores praedictos desuper quoquomodo perturbare, molestare et inquietare praesumant. Non obstantibus constitutionibus ac ordinationibus apostolicis ac dicti Ordinis etiam iuramento confirmatione apostolica vel quavis firmitate alia roboratis statutis et consuetudinibus, privilegiis quoque indultis et literis apostolicis eidem Ordini ac Provinciali, superioribus et personis praedictis, seu quibusvis aliis in contrarium praemissorum quomodolibet concessis, confirmatis et approbatis, coeterisque contrariis quibuscumque.

Fußnoten

  • 1 Diesbezügliche Auszüge aus Schreiben der Kurie der Jahre 1585/1586 liegen dem Breve bei: ASV, Secr. Brev., Reg. 287, fol. 145r. Zur Wohnsituation der Nuntien in Graz: vgl. Nr. 57.4. 
  • 2 Giovanni Andrea Caligari: vgl. Nr. 57.4. 
  • 3 Beilage dieser Nr.