Brieftext

Cum nos nuper Monasterium Grifense olim ordinis Praemonstratensis Salisburgensis diocesis^acerto tum canonico ordinario vacans Collegio pauperum scholarium in oppido Grecii dictae diocesis instituto perpetuo univerimus, dicto ordine ac omni illius statu et essentia regularibus in eo perpetuo suppressis, prout in nostris inde confectis litteris plenius continetur ¹, Nos cupientes litteras praedictas suum, ut par est, effectum consequi, Fraternitati tuae per praesentes committimus et mandamus, quatenus praedicti Collegii rectorem et collegiales ipsius Collegii nomine in corporalem, realem et actualem possessionem dicti Monasterii et illi annexorum Juriumque et pertinentiarum suarum quarumcumque inducas auctoritate nostra et defendas inductas amotis exinde quibuscumque, quos nos auctoritate ₄₈₅praesentium amovemus et amotos denuntiamus, faciens eidem Collegio de fructibus, redditibus et proventibus eiusdem Monasterii integre responderi Contradictores quoscumque per censuras et poenas ecclesiasticas ac sententiam privationis suorum beneficiorum ecclesiasticorum quorumcumque ac inhabilitatis ad illa et alia in posterum obtinenda aliaque opportuna Juris et facti remedia approbatione postposita compescendo, invocato etiam ad hoc, si opus fuerit, auxilio brachii saecularis. Non obstantibus constitutionibus et ordinationibus apostolicis caterisque contrariis quibuscumque.